Saioa eguerdiko 12:00etan izango da eta Kilometrokantu taldea arduratuko da topaketa girotzeaz
DURANGO | Igande honetan, urtarrilaren 25ean, Durango Kantari ekimenaren topaketa berri bat egingo da. Hitzordua eguerdiko 12:00etan izango da Merkatuan, eta oraingoan Kilometrokantu taldea arduratuko da topaketa girotzeaz.
Udalak herritarrak saio berri honekin bat egitera, abestera eta gozatzera gonbidatzen ditu. Parte hartzea errazteko, Durango Kantari-ren kantutegia udalaren webgunetik www.durango.eus edo ekitaldiko karteletan aurki daitekeen QR kodearen bidez eskuratu daiteke.
