[dotb.eus] 6.428 euroko diru-laguntza euskaraz ikastearren Abadiñon

Abadiñoko 30 herritarren artean banatu da
2016-2017. ikasturteko euskerazko ikastaroak ordaintzeko laguntza da

ABADIÑO.- Abadiñoko Udalak 6.428,56 euroko diru-laguntza emango die 30 herritarri euskeraz ikastearren, Hezkuntza eta Euskera Arloko zinegotziak, Argi Abadek, azaldu duenez. Diru horrekin 2016-2017. ikasturtean hartu dituzten euskerazko ikastaroak ordaintzeko laguntza da.

Onuradunek irailean egin zuten dirulaguntza eskabidea eta aste honetan ordainduko zaie.

Diru-laguntzak jasotzeko bi baldintza bete behar dira: Abadiñon erroldatuta egotea, eta gutxienez eskola-orduen %80tara joana izatea. Euskera Arloko zinegotziak herritar guztiak animatu ditu euskeraz ikastera, eta esan du ikasketa horiek errazteko jarri dituela Udalak laguntza horiek, eta datozen urteetan ere mantenduko direla.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.