dotb Durangaldeko Telebista

‘eRRe. Aldarri bat bertsoz’ norbere gorputza eta bertsolaritza lotzen dituen ikuskizuna Durangon

San Agustin Kultur Gunean estreinatuko da gaur

Gaur, otsailak 5, arratsaldeko 19:00etan ikusteko aukera izango da

DURANGO.- Gaur «eRRe. Aldarri bat bertsoz» emanaldia estreinatuko da Durangoko San Agustin Kultur Gunean arratsaldeko 19:00etan. Haizea eta Oihana Aranak, Aner Peritz eta Leire Vargasek  izango dira norbere gorputza eta bertsolaritza zeharkatzen dituzten 10 eszenen protagonistak, non hainbat dualismo hartzen diren hizpide.

Ikuskizunaren bidez  galdera ezberdinei erantzun bat ematen saiatuko dira, Zer da burua gorputzik gabe? Bizitza heriotzarik gabe? Zer da natura kulturarik gabe? Eta emakumea gizonik ez bada? Guztiak bi, bate bestearen definizio. Baina inoiz ez berdinetik berdinera. Protagonistek azaltzen duten bezala «mundua bereizteko eta jendea sailkatzeko baliatzen diren etiketok eskaintzen duten markoa egokia izan daiteke norbere gorputza, eta baita bertsolaritza ere, zeharkatzen dituzten hainbat fenomenori buruz hausnartu eta sortzeko». Hortik abiatuta, aipatu dualismoetan hausturak proposatzen ditu eRRek, bertsolaritzaren, antzerkiaren, musikaren eta poesiaren arteko mugak lausotuz.

Dramatizatutako bertso-paperek osatzen dute emanaldia, antzerkiaz gain, helduentzako ipuin-kontaketak eta poesiak ere badute lekua. Genero-ikuspegia ardatz hartuta, aztertuko dira LGTB+ kolektiboak arauaren baitan hartzen duen lekua, gazte izatearekin lotutako zapalkuntzak, eta horiek  bertsolaritzan hartzen duten forma, beste dualismo batzuekin batera hamar piezak osatzen dute emanaldia, zeinak hainbat dualismo mahaigaineratzen baitituzte. Beregainak badira ere, egitura zirkulardun hari jarraitu batek lotzen ditu guztiak, eta garapen  baten erakusgarri dira osotasunean ikusita. Guztira, ordubete inguruko iraupena du.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.