[dotb.eus] Abian da Elorrioko umeentzako irakurketa lehiaketaren edizio berri bat

Urriaren 7tik  abenduaren 3ra bitartean egongo da zabalik parte hartzeko epea
Lehiaketan 18 urtetik beherako gazte elorriarrek hartu ahal izango dute parte

ELORRIO.- Abian da umeentzako irakurketa lehiaketaren 26. edizioa. Elorrioko Udalak gazteen artean kultura bultzatzeko apustua egin du, eta beste urte batez 18 urtetik beherako elorriarrei zuzendutako umeentzako irakurketa lehiaketa jarri du martxan.

Udalak 18 urtetik beherako interesatu guztiak gonbidatu gura ditu, urriaren 7an, hasi eta abenduaren 3an amaituko den lehiaketan parte hartzera.

Irakurketa lehiaketaren 26. edizioan parte hartuko duten Elorrioko gazteek gutxienez bi liburu irakurri beharko dituzte, pertsonaren adin tarteari dagozkion eta Liburutegiko katalogoan dauden bi liburu, hain zuzen ere. Liburuaren gaia norberak aukeratu ahal izango du.

Amaitzeko, liburuak irakurri ostean, partaide bakoitzak fitxa bana bete beharko du. Lehenengo fitxa azaroaren 19a baino lehen entregatu beharko da.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.