Izena emateko epea apirilaren 19ra arte egongo da zabalik
BERRIZ | Udalak uztailaren 3tik 21era bitartean ‘Udalekuak 2023’ programa burutuko du eta izena emateko epea apirilaren 19ra arte egongo da zabalik. 4 eta 16 urte bitarteko haur eta gazteentzako aisialdi eta denbora libreko eskaintza zabala izango da udalak eskainiko duena. 135 plaza eskainiko dira HH4 mailatik LH6ra bitarteko haurrentzat eta DBHko gazteentzat 44 plaza izango dira. Izena emateko epea apirilaren 19ra arte egongo da zabalik.
Aurreko edizioan bezala, ‘Berrizko Udalekuak 2023’ hiru esparrutan banatuta egongo da, adinaren arabera. Txiki Txoko, Haur Hezkuntzako 4. eta 5. mailako ikasleei zuzendua, gehienez 45 plaza eskuragarrirekin. Uztailaren 3tik 21era luzatuko da, astelehenetik ostiralera, 9:30etatik 13:30etara. Egun eta ordutegi berdinean, lehen hezkuntzako ikasleentzat, 90 plazarekin, Kirol Udalekuak Euskaraz eskaintza planteatzen da, non joko-jolas motor, jarduera fisiko eta kirol ezberdinak egingo diren.
Bestalde, DBHko ikasleek zazpi gau eta zortzi egunez Uda Gazte Ibilitaria esperientzia bizi ahal izango dute. Kasu honetan, DBH1 eta DBH2ko ikasleentzat uztailaren 3tik 10era izango da, 22 pertsonentzako plazarekin, eta DBH3 eta DBH4ko gazteek uztailaren 10etik 17ra bidaiatzeko aukera izango dute, gehienez 22 plaza eskuragarrirekin.
Izen-ematea
Online egin beharko da matrikula, www.berriz.eus atarian. Bertan eskuragarri dago informazio guztia, ordutegiak eta prezioa. Informazio gehiago behar izanez gero:
berriz@berriz.eus helbidean edo 946 824 036 edo 946 824 584 telefonoetara deitut
