Igande eguerdian banatu ziren Julene Azpeitia lehiaketaren sariak
DURANGO.- Igandean Plateruena Kafe Antzokian banatu ziren aurtengo Julene Azpeitia Sariak. Aurten 18 lan izan dira saridunak hiru sailetan banaturik: ipuinak, olerkiak eta bertsoak.
Lehiaketan, alde batetik Durangoko eskoletako gazteek eta kanpoko eskoletan ari diren gazte durangarrek (18 urte artekoak) parte hartu dute bestetik, 18 urtetik gorako edonork. Epaimahaia Durangoko Udaleko Euskara Sailak izendaturiko zenbait adituk osatu dute. Guztira 314 idazlan jaso dira: 203 ipuin, 54 olerki eta 57 bertso
Julene Azpeitia Lehiaketarekin, umeak eta euskara uztartu nahi ditu. Euskararen normalizazioa horrenbeste aipatzen dugun garai hauetan, ezin ahaztu dezakegu duela mende erdi baino gehiago ere hainbat ahalegin eta ekimen egin izan zirela euskararen transmisioa bermatzeko: Julene Azpeitia honen lekuko.
