Arratsaldeko 18,30ean izango da Andra Mariko elizpean
DURANGO.- Datorren larunbatean, azaroaren 9an, Bizkaian Emakumeak Dantzariaren ekitaldia ospatuko da Durangon. Ekitaldia arratsaldeko 18:30ean hasiko da Andra Mariko elizpean.
Aurtengoa 7. edizioa izango da eta parte hartuko duten taldeak Durangoko Tronperri eta Txoritxu Alai eta Algortako Itxartu taldea izango dira, beste batzuen artean. Guztira, 90 neskek hartuko dute parte ekitaldian.
Antolatzaileak Txoritxu Alai eta Tronperri dantza taldeak dira eta ekitaldiaren helburua nesken dantzak erakustea eta merezi duten garrantzia ematea da «gutxienez orain dela 80 urte dantzatzen dira Durangaldean eta galtzeko arriskuan daude zaintzen ez baditugu» azaldu dute antolatzaileek.
