Hainbat kirolarien babesa jaso zuen EH Kirolak antolaturiko ekitaldiak
DOT KIROLAK.- Durango Plateruena kafe antzokian aurkeztu zuen EH Kirolak gizonezkoen I. Futbol Txapelketa eta VII emakumezkoen kopa.
Arritxu Iribar eta Xabier Usabiaga kazetariek aurkeztu zuten ekitaldia eta bertan izan ziren Aintzane Encinas Realeko kapitaina, Iraia Iturregi Athletic-ekoa eta Anne Mugartza Oiartzungoa, emakumezkoen txapela aurkezten.
Gizonezkoena Mikel Etxarri Euskal Selekzioko entrenatzaileak, Jose Angel iribar entrenatzaile ohiak, Iñaxio Kortabarria Realekeko erreferentea, Koikili Athletic-ekoa eta Gurrutxaga Eibarkoak egin zuten. Josu Sarriegi Alavesekoak eta Patxi irigibel Osasunakoak bertan ez izan arren bere atxikimendua adierazi zuten
Honetaz gain hainbat kirolari egon ziren txapelketari babesa ematen eta Euskal Herriko Kirola aldarrikatzen. Iñaki Perurena harrijasotzailea, Kortabarria, Aimar Irigoien, Vilariño edota Laukizeko sokatira taldeko kideak ere bertan egon ziren.
