Elorriok lau bisita gidatu antolatu ditu Ondarearen Europako Jardunaldien barruan

Izen horrekin, “Elorrioko Oinatzak” urriaren 8, 9, 15 eta 16an egingo dira, 11:00etan

**lau bisita gidatu antolatzen dituzte urriaren 8, 9, 15 eta 16rako**

ELORRIO | Elorrioko Udalak, Ondarearen Europako Jardunaldien barruan, doako lau bisita gidatu antolatzen ditu urriaren 8, 9, 15 eta 16an udalerrian zehar. «Elorrioko Oinatzak» izenpean, ibilaldi osasungarriak izango dituzten bisitak 11:00etan hasiko dira San Agustin auzoan, Hoteleko aparkalekuan, eta bi orduko iraupena izango dute. Larunbatetan, 8 eta 15ean, bisitak euskaraz egingo dira, eta igandeetan, 9 eta 16, gaztelaniaz.

Bisita guztiak doakoak dira eta plaza mugatuak, gehienez 15 pertsona talde eta egun bakoitzeko. Parte hartzeko, erreserba egin beharko da 94 682 01 64 / 688 77 62 70 telefonoan edo turismoa@elorrio.eus helbide elektronikoan.