Lehena gaur izango da eta hurrengoa datorren larunbatean
DURANGO | Dena prest dago gaur Surrandien maskara tailerrei hasiera emateko. Lehena gaur izango da Kriskitineko lokaletan, hurrengo berriz, datorren larunbatean hilak 11.
Durangoko Surrandiak Gerra Zibilaren aurreko urteetan, aratusteak ospakizun handiak ziren Durangon, beste herri askotan legez. Durangoko aratuste egunak hauek izaten ziren: Eguen-zuri, egun honetan ohikoa zen eskola umeak kalerik kale eskean ikustea, gaur egun ere herriko hainbat eskolatan mantentzen da abesteko ohitura hau. Ondoren, bariku argi, zapatu erregular, domeka karnabal, astelehen karnabal eta martitzen karnabal.ospatzen ziren.
