Interesdunek Garaiko udaletxean eman dezakete izena
GARAI.- Ume eta gazteen arteko harremanak sendotzeko, ehuntzeko eta euskararen erabilera indartzeko asmoz, Garaiko Udalak ludoteka-zerbitzua jarriko du abian otsailetik maiatzera. Hilean, larunbat batean, Berbarorekin batera antolatuko den ludotekaren hezurdura euskarazko jarduera ludikoak eskaintzea izango da, haur eta gazteen parte-hartzea sustatzeko. Interesdunek Garaiko udaletxean eman dezakete izena. Izen-ematea doakoa da.
