Zaldibarko euskara sailak “Lan eta erosi euskaraz!” gida prestatu du

ZALDIBAR.- Zaldibarko merkataritzan eta ostalaritzan euskararen erabilera bultzatzeko helburuarekin, Zaldibarko euskara sailak “Lan eta erosi euskaraz!” gida prestatu du herriko denda eta tabernetan banatuko dena. Bertan udalatik eskaintzen diren zerbitzuei buruzko informazioa egongo da.

Gida honetan, honako hauen berri emango da: Durangaldeko Mankomunitatearen euskarazko errotuluak edo webguneak jartzeko diru-laguntzak; udalaren aholkularitza- eta itzulpen-zerbitzua; Lansarea eta Beharsarea atarien bidez langile euskaldunak bilatzeko dagoen laguntza; eta Euskaraldia Batzordeak merkatariei eta ostalaritzari ematen dien informazioa.

Gida Zaldibarko Udalaren webgunean eta Euskara Zerbitzuaren eta udalaren sare sozialetan egongo da eskuragarri.