Urriaren 7an eta 8an artisautza-tailer bat egingo da, plaza mugatuekin

ELORRIO | Foru Aldundiaren eta Elorrioko Udalaren eskutik, gure inguruko kultur ondarea sustatzeko asmoz, Iturri Kultur Etxeak doako bi ekitaldi hartuko ditu datozen egunetan. 

Urriaren 7an eta 8an artisautza-tailer bat egingo da, Arto orriak oinarri hartuz sormen prozesuaren bidaia izenekoa. Hiru emanaldi izango dira: bata euskaraz helduentzat, urriaren 7an, zapatua, 10:00etatik 14:00etara; bestea euskaraz familientzat, urriaren 7an, 16:00etatik 18:00etara; eta azkena gaztelaniaz helduentzat, urriaren 8an, igandea, 10:00etatik 14:00etara.

 Tailerrean parte hartzeko plazak mugatuak izango dira; helduen taldean 12 lagun sartuko dira gehienez saioko, eta familientzako taldean 16 lagun, 6 urtetik aurrerako ume bat heldu bakoitzeko. Beharrezkoa da tokia aldez aurretik erreserbatzea, 94 682 01 64ra edo 688 77 62 70ra deituta edota turismoa@elorrio.eus-era idatzita.

Bestalde, urriaren 10ean, asteartea, 19:00etan, Aitziber Gonzalez arkeologoak Elorrioko liñaputzuei buruzko hitzaldia emango du gaztelaniaz. Bertara joateko ez da beharrezkoa tokia erreserbatzea.